Дамдинсүрэнгийн Алтангэрэл

Дамдинсүрэнгийн Алтангэрэлийн намтар

Дамдинсүрэнгийн Алтангэрэл нь 1945 онд төрж, 1998 онд таалал төгссөн Монголын нэрт толь бичиг зохиогч, багш, орчуулагч юм. Тэрээр Монгол Улсад хамгийн өргөн хэрэглэгддэг "Орчин цагийн монгол-англи толь" номыг зохиосон билээ.

Боловсрол ба карьер

Алтангэрэл багш Шинжлэх Ухаан Технологийн Их Сургуульд англи хэл заадаг байсан. Тэрээр хэд хэдэн англи-монгол толь бичиг зохиосноос гадна монгол ардын үлгэрүүдийг англи хэлнээ чадварлаг орчуулан хэвлүүлж байсан нь онцлогтой. Түүний орчуулсан үлгэрүүд нь утга яруу тансаг хэллэгээрээ онцлог байв.

1995 онд түүний гаргасан англи-монгол толь бичиг нь маш их эрэлттэй болж, бараг монгол айл бүрд байдаг байсан гэдэг. Энэхүү толь бичиг нь 1990 оноос хойш гарсан англи-монгол хэлний хамгийн их борлуулалттай, бестселлер ном болсон юм. Мөн түүний зохиосон "Орчин цагийн монгол-англи толь бичиг" ч мөн адил их борлуулалттай, өргөн хүрээнд тархсан бүтээл байв.

Түүнчлэн, Алтангэрэл багш "Хэлтэй бол хөлтэй" хэмээх англи хэл сурах сонинг гаргаж, олон нийтэд англи хэлний мэдлэг олгоход үнэтэй хувь нэмэр оруулсан.

Нас баралт

Дамдинсүрэнгийн Алтангэрэл 1998 онд хавдрын улмаас нас барсан. Түүний бүтээлүүд нь Монгол Улсад англи хэл сурах, судлах үйлсэд өнөөг хүртэл чухал хэвээр байна.