ZAMNAL.MN ҮЙЛЧИЛГЭЭНИЙ НӨХЦӄЛ

Сүүлд шинэчилсэн: 2026 оны 07 дугаар сар

Энэхүү нөхцөл нь Zamnal.mn платформыг ашиглах үед хэрэглэгч болон үйлчилгээ үзүүлэгчийн хооронд үүсэх харилцааг зохицуулна. Та бүртгэл үүсгэх, төлбөр төлөх, "Зөвшөөрч байна" товчийг дарах эсвэл үйлчилгээг ашигласнаар энэхүү нөхцөлийг хүлээн зөвшөөрсөнд тооцогдоно.

1. Үйлчилгээний тухай

Zamnal.mn нь хайртай хүнийхээ амьдралын түүх, зураг, дурсамж, гэр бүл болон хамт олны дурдатгалыг нэг дор хадгалж, хуваалцах зориулалттай дижитал платформ юм.

Платформын үндсэн интерфэйс монгол хэл дээр байх бөгөөд системийн техникийн ажиллагаанд англи хэл ашиглаж болно. Бүх үнэ Монгол төгрөгөөр илэрхийлэгдэнэ.

Zamnal.mn нь оршуулгын байгууллага, төрийн бүртгэл, нотариат эсвэл нас баралтыг албан ёсоор баталгаажуулах байгууллагыг орлохгүй.

2. Бүртгэл ба аюулгүй байдал

Үйлчилгээг бүрэн ашиглахын тулд хэрэглэгч хүчинтэй и-мэйл хаяг, нууц үгээр бүртгэл үүсгэнэ.

И-мэйл хаягийг нэг удаагийн кодоор баталгаажуулна. Нэг минутын дотор нэг удаа код хүсэх боломжтой бөгөөд кодыг таван удаа буруу оруулбал баталгаажуулалтыг түр хугацаагаар хааж болно.

Хэрэглэгч бүртгэлийн мэдээллээ үнэн зөв оруулах, нууц үгээ хамгаалах, өөрийн бүртгэлэөр хийгдсэн үйлдлийг хариуцах үүрэгтэй. Бусдын нэрээр бүртгэл үүсгэх, хуурамч эсвэл олон давхар бүртгэл ашиглахыг хориглоно.

Арван найман нас хүрээгүй хэрэглэгч төлбөртэй үйлчилгээ ашиглах эсвэл бусдын мэдээлэл нийтлэхдээ эцэг эх, асран хамгаалагчийн зөвшөөрөл авсан байна.

3. Үйлчилгээний боломжууд

Zamnal.mn дараах үндсэн үйлчилгээг санал болгоно:

• Намтар үүсгэх, засварлах, нийтлэх, нуух болон устгах;
• Амьдралын түүх, зураг, дурсамж болон холбогдох мэдээлэл нэмэх;
• AI тусламжтай бичвэр боловсруулах;
• Эмгэнэлийн зураг үүсгэж татаж авах;
• Гэр бүлийн гишүүдтэй хамтран хуудас удирдах;
• Холбоосоор бусдад хүргэх;
• Хуудасны нууцлалын тохиргоог удирдах;
• Дурсгалын мод тарих захиалга өгөх.

Үйлчилгээний зарим боломжид файлын хэмжээ, AI ашиглах давтамж болон техникийн бусад хязгаарлалт тогтоож болно. Энэ талаар тухайн үйлчилгээг ашиглахын өмнө мэдээлнэ.

4. Намтар үүсгэх эрх

Намтарын хуудсыг тухайн хүний гэр бүлийн гишүүн, төрөл төрөгсөд, хууль ёсны төлөөлөгч, зөвшөөрөлтэй найз нөхөд, хамт олон эсвэл байгууллага үүсгэж болно.

Хуудас үүсгэсэн хэрэглэгч мэдээлэл, зураг болон бусад контентыг нийтлэх зохих зөвшөөрөлтэй гэдгээ баталгаажуулна.

Нэг хүний талаар давхардсан хуудас үүссэн, эсвэл гэр бүл болон эрх бүхий этгээдээс маргаан гарсан тохиолдолд бид нотлох мэдээлэл шаардах, хуудсыг түр нуух, нэгтгэх эсвэл удирдах эрхийг зохих этгээдэд шилжүүлэх боломжтой.

Zamnal.mn нь гэр бүлийн, өв залгамжлалын болон бусад хувийн маргааны эцсийн шийдвэр гаргагч биш бөгөөд шаардлагатай тохиолдолд талууд эрх бүхий байгууллагад хандана.

5. Контентын дүрэм

Хэрэглэгч өөрийн оруулсан контентын үнэн зөв, хууль ёсны байдал болон бусдын эрхийг зөрчөөгүй эсэхийг бүрэн хариуцна.

Дараах контент нийтлэхийг хориглоно:

• худал, төөрөгдүүлсэн эсвэл гүтгэсэн мэдээлэл;
• хүний нэр төр, хувийн нууцад халдсан агуулга;
• доромжлол, сүрдүүлэг, ялгаварлан гадуурхалт;
• зохиогчийн эрх зөрчсөн зураг, бичвэр болон файл;
• хууль бус, хүчирхийлэлд уриалсан эсвэл системд аюул учруулах контент;
• хамааралгүй зар сурталчилгаа, спам.

Зөрчилтэй контентын талаар гомдол, хууль ёсны шаардлага ирсэн тохиолдолд бид тухайн контентыг шалгах хугацаанд нуух, засварлуулах эсвэл устгах эрхтэй.

6. AI үйлчилгээ

AI нь хэрэглэгчийн оруулсан мэдээлэлд үндэслэн амьдралын түүх болон эмгэнэлийн бичвэрийн санал боловсруулна.

AI-ийн боловсруулсан текстэд буруу нэр, огноо, баримт эсвэл зохиомол мэдээлэл орж болох тул хэрэглэгч нийтлэхийн өмнө заавал шалгаж, шаардлагатай засварыг хийнэ.

Хэрэглэгчийн эцсийн зөвшөөрөлгүйгээр AI бичвэрийг нийтэд автоматаар нийтлэхгүй. AI үйлчилгээг худал мэдээлэл зохиох, бусдын нэр төрд халдах болон хууль бус зорилгоор ашиглахыг хориглоно.

7. Үйлчилгээний үнэ

Намтар үүсгэх

• Үндсэн үнэ: 99,000₮
• Гурван сарын дараагаас 50 хувийн хямдралтай үнэ: 49,500₮
• Нээлтийн үед 1 сар үнэгүй

Эмгэнэлийн зураг үүсгэх

• Нэг зураг: 9,900₮

Үйлчилгээ нь сонгосон загварт зураг, нэр, огноо болон бичвэр оруулж, дэмжигдсэн JPG, PNG эсвэл бусад форматаар татаж авах боломжийг агуулна.

Дурсгалын мод тарих

• Нэг захиалга: 55,000₮

QR/NFC бүтээгдэхүүн, хэвлэл, хүргэлт болон бусад нэмэлт үйлчилгээний үнийг захиалга хийхийн өмнө тусад нь мэдээлнэ.

Үйлчилгээний үнэ өөрчлөгдөж болох боловч өмнө нь бүрэн төлөгдсөн захиалгад шинэ үнэ буцаан үйлчлэхгүй.

8. Төлбөр ба буцаалт

Төлбөрийг QPay, SocialPay, банкны карт болон платформд идэвхтэй байгаа бусад төлбөрийн хэрэгслээр төлнө.

Банкны карт, дансны нууц мэдээллийг Zamnal.mn хадгалахгүй. Харин төлбөрийн дүн, огноо, төлөв, гүйлгээний дугаар болон сонгосон үйлчилгээний мэдээллийг хадгалж болно.

Хэрэглэгч төлбөр төлснөөс хойш 24 цагийн дотор, үйлчилгээг ашиглаагүй бол буцаалтын хүсэлт гаргаж болно.

Дараах тохиолдолд үйлчилгээ ашиглагдсан гэж үзэж, төлбөрийг буцаахгүй эсвэл бодитоор гарсан зардлыг суутгаж болно:

• Намтар нийтлэгдсэн;
• AI бичвэр эцэслэн үүсгэсэн;
• эмгэнэлийн зургийг татаж авсан, экспортолсон эсвэл хуваалцсан;
• мод тарих захиалга хамтрагч байгууллагад баталгаажсан.

Техникийн алдаанаас шалтгаалан үйлчилгээ огт үзүүлээгүй бол үйлчилгээг дахин үзүүлэх эсвэл төлбөрийг буцаах шийдэл санал болгоно.

Буцаалтын хүсэлтийг гүйлгээний мэдээллийн хамт info@zamnal.mn хаягаар илгээнэ.

9. Мод тарих болон QR/NFC үйлчилгээ

Мод тарих үйлчилгээг Zamnal.mn өөрөө эсвэл хамтрагч байгууллагаар дамжуулан хэрэгжүүлж болно.

Мод тарих байршил, төрөл болон хугацааг улирал, цаг агаар, хөрс, зөвшөөрөл болон мэргэжлийн байгууллагын шийдвэрээс хамааруулан сонгоно. Захиалга өгсөн даруйд мод таригдана гэсэн үг биш бөгөөд тохиромжтой улиралд багцлан тарьж болно.

Цаг агаар, ган, үер, түймэр, хортон шавж болон бусад хяналтаас гадуурх шалтгаанаас үүдсэн модны ургалтыг бүрэн баталгаажуулах боломжгүй.

QR код болон NFC бүтээгдэхүүн нь холбогдох Намтарын хуудас руу чиглүүлнэ. Хуудсыг устгасан, нуусан эсвэл хандах эрхийг хязгаарласан бол холбоос ажиллахгүй байж болно.

10. Хувийн мэдээлэл

Zamnal.mn нь бүртгэл удирдах, үйлчилгээ үзүүлэх, төлбөр баталгаажуулах, аюулгүй байдлыг хангах болон хэрэглэгчтэй харилцах зорилгоор шаардлагатай мэдээллийг цуглуулж, боловсруулна.

Хэрэглэгчийн мэдээллийг зөвшөөрөлгүй худалдахгүй. Үйлчилгээ үзүүлэхэд зайлшгүй шаардлагатай төлбөр, и-мэйл, хадгалалт, AI болон техникийн үйлчилгээ үзүүлэгчид мэдээллийг шаардлагатай хэмжээнд дамжуулж болно.

Хэрэглэгч өөрийн мэдээлэлтэй танилцах, засварлах, устгуулах хүсэлт гаргах эрхтэй. Дэлгэрэнгүй нөхцөлийг Нууцлалын бодлогоор зохицуулна.

Монгол Улсын Хүний хувийн мэдээлэл хамгаалах тухай хууль нь программ хангамжаар мэдээлэл цуглуулах, боловсруулах, ашиглах болон хамгаалах харилцаанд үйлчилнэ.

11. Оюуны өмч

Хэрэглэгч өөрийн оруулсан зураг, бичвэр болон дурсамжийн эрхээ хадгална.

Контентыг Zamnal.mn-д байршуулснаар хэрэглэгч уг контентыг хадгалах, боловсруулах, дэлгэцэд харуулах болон сонгосон тохиргооны дагуу хуваалцахад шаардлагатай хязгаарлагдмал зөвшөөрлийг платформд олгоно.

Zamnal.mn-ийн нэр, лого, дизайн, программын код, загвар, мэдээллийн сан, AI prompt болон системийн бусад шийдэл нь үйлчилгээ үзүүлэгчийн оюуны өмч байна.

12. Үйлчилгээний хязгаарлалт

Бид үйлчилгээг найдвартай ажиллуулахыг зорих боловч засвар, шинэчлэл, сервер, интернет, төлбөрийн систем, кибер халдлага болон гуравдагч талын доголдлоос шалтгаалан үйлчилгээ түр тасалдаж болно.

Zamnal.mn нь хэрэглэгчийн оруулсан контентын үнэн зөв байдал, гэр бүлийн маргаан, зохиогчийн эрхийн зөрчил болон хэрэглэгчийн буруу үйлдлээс үүссэн хохирлыг хариуцахгүй.

Хэрэглэгч чухал зураг, бичвэр болон файлынхаа нөөц хуулбарыг өөртөө хадгална.

13. Нөхцөл зөрчих, бүртгэл хаах

Нөхцөл зөрчсөн тохиолдолд бид хэрэглэгчид мэдэгдэл хүргүүлэх, контентыг нуух эсвэл устгах, үйлчилгээнд хандах эрхийг хязгаарлах, бүртгэлийг түр болон бүрэн хаах эрхтэй.

Хууль бус үйлдэл, залилан, системд халдах оролдлого болон бусдын эрхэд ноцтой халдсан тохиолдолд урьдчилан мэдэгдэлгүй арга хэмжээ авч болно.

Хэрэглэгч бүртгэлээ хаах хүсэлт гаргаж болно. Устгасан контентыг сэргээх боломжтой төлөвт 30 хүртэл хоног хадгалсны дараа бүрэн устгаж болно. Хууль, төлбөр эсвэл маргааны үндэслэлээр хадгалах шаардлагатай мэдээлэл үүнд хамаарахгүй.

14. Нөхцөлийн өөрчлөлт ба маргаан

Бид хууль тогтоомж, үйлчилгээ болон аюулгүй байдлын шаардлагад нийцүүлэн энэхүү нөхцөлийг шинэчилж болно.

Хэрэглэгчийн эрх, үнэ төлбөр болон контент ашиглах нөхцөлд томоохон өөрчлөлт орох бол урьдчилан мэдэгдэнэ. Цахим орчин дахь зөвшөөрөл, цахим баримт бичгийн харилцаанд Монгол Улсын шинэчилсэн Цахим гарын үсгийн тухай хууль үйлчилнэ.

Маргааныг эхний ээлжид харилцан зөвшилцөж шийдвэрлэнэ. Тохиролцож чадаагүй тохиолдолд Монгол Улсын хууль тогтоомжийн дагуу эрх бүхий байгууллага эсвэл шүүхээр шийдвэрлүүлнэ.

15. Холбоо барих

• Үйлчилгээ үзүүлэгч: [Компанийн албан ёсны нэр]
• И-мэйл: info@zamnal.mn
• Утас: []
• Ажлын цаг: 09:00-18:00