Отгон Отог

Өвөө маань өөрийгөө хэзээ ч нэгдүгээрт тавьж үзээгүй хүн. Өөрт хэрэгтэй зүйлээ хойш тавьж, гэр бүлийнхэндээ хэрэгтэй бүхнийг түрүүлж боддог байлаа. Амьдралын хүнд үеийг дуугүй давж, баярт мөч бүрийг бусдын инээмсэглэлээр хэмждэг хүн. Хүүхдүүд нь өнөөдөр амьдралдаа бат зогсож байгаа, тэрхүү бат суурийг олон жилийн турш чимээгүйхэн босгосон хүн бол миний өвөө юм. Өвөө маань Нэг дүгээр 10 жилийг дүүргээд, Санхүү эдийн засгийн дээд сургуулийг Эдийн засагч, Нягтлан мэргэжлээр төгсөж нутагтаа хянан шалгагчаар ажиллаж явсны дээр Монгол Банкад Санхүүчээр олон жил хариуцлагатай ажилласан хөдөлмөрч, мэдлэгтэй хүн байсан юм.