Нэмэндэйн Янжмаа
18931962
Товч намтар
Нэмэндэйн Янжмаа, хожим нөхөр жанжин Дамдины Сүхбаатарыг 1923 онд таалал төгссөний дараа түүний нэрээр овоглож Сүхбаатарын Янжмаа хэмээн алдаршсан бөгөөд Монголын төр, нийгмийн нэрт зүтгэлтэн, эмэгтэйчүүдийн хөдөлгөөний анхдагч удирдагчдын нэг юм. Тэрээр 1893 оны 2 дугаар сарын 6-нд одоогийн Төв аймгийн Баяндэлгэр сумын нутагт төржээ. 1910 онд Дамдины Сүхбаатартай гэр бүл болж, Ардын хувьсгалын үйл хэрэгт хамтран оролцсон байна. 1921 онд Монголын хувьсгалт залуучуудын эвлэлд, 1923 онд Монгол Ардын Хувьсгалт Намд элсэж, төр, олон нийтийн байгууллагад удирдах албан тушаал хашиж эхэлжээ. 1924 оноос Монголын анхны эмэгтэйчүүдийн байгууллагыг хөгжүүлэх ажилд манлайлан оролцож, Эмэгтэйчүүдийн хэлтсийн даргаар ажиллан эмэгтэйчүүдийн боловсрол, хөдөлмөр эрхлэлт, нийгмийн оролцоог нэмэгдүүлэхэд үнэтэй хувь нэмэр оруулсан юм. Мөн Монголын эмэгтэйчүүдийн байгууллагыг олон улсын эмэгтэйчүүдийн байгууллагын гишүүн болгоход чухал үүрэг гүйцэтгэж, олон улсын хурал, зөвлөгөөнд Монгол Улсаа төлөөлөн оролцож байв. Тэрээр Эрүүлийг хамгаалах яам, Улсын хэвлэлийн газар, Намын Төв Хороо зэрэг төрийн байгууллагад удирдах албан тушаал хашиж, Ардын Их Хурлын Тэргүүлэгчдийн даргын үүргийг түр орлон гүйцэтгэснээр Монгол Улсын түүхэнд төрийн тэргүүний үүргийг гүйцэтгэсэн анхны эмэгтэй болсон юм. Сүхбаатарын Янжмаа нь Монголын эмэгтэйчүүдийн эрх, боловсрол, нийгмийн оролцоог хөгжүүлэх үйлсэд амьдралаа зориулсан бөгөөд Монголын төр, нийгмийн хөгжлийн түүхэнд үнэтэй хувь нэмэр оруулсан нэрт эмэгтэй зүтгэлтэн юм.
Нэмэндэйн Янжмаа, хожим нөхөр жанжин Дамдины Сүхбаатарыг 1923 онд таалал төгссөний дараа түүний нэрээр овоглож Сүхбаатарын Янжмаа хэмээн алдаршсан бөгөөд Монголын төр, нийгмийн нэрт зүтгэлтэн, эмэгтэйчүүдийн хөдөлгөөний анхдагч удирдагчдын нэг юм. Тэрээр 1893 оны 2 дугаар сарын 6-нд одоогийн Төв аймгийн Баяндэлгэр сумын нутагт төржээ. 1910 онд Дамдины Сүхбаатартай гэр бүл болж, Ардын хувьсгалын үйл хэрэгт хамтран оролцсон байна. 1921 онд Монголын хувьсгалт залуучуудын эвлэлд, 1923 онд Монгол Ардын Хувьсгалт Намд элсэж, төр, олон нийтийн байгууллагад удирдах албан тушаал хашиж эхэлжээ. 1924 оноос Монголын анхны эмэгтэйчүүдийн байгууллагыг хөгжүүлэх ажилд манлайлан оролцож, Эмэгтэйчүүдийн хэлтсийн даргаар ажиллан эмэгтэйчүүдийн боловсрол, хөдөлмөр эрхлэлт, нийгмийн оролцоог нэмэгдүүлэхэд үнэтэй хувь нэмэр оруулсан юм. Мөн Монголын эмэгтэйчүүдийн байгууллагыг олон улсын эмэгтэйчүүдийн байгууллагын гишүүн болгоход чухал үүрэг гүйцэтгэж, олон улсын хурал, зөвлөгөөнд Монгол Улсаа төлөөлөн оролцож байв. Тэрээр Эрүүлийг хамгаалах яам, Улсын хэвлэлийн газар, Намын Төв Хороо зэрэг төрийн байгууллагад удирдах албан тушаал хашиж, Ардын Их Хурлын Тэргүүлэгчдийн даргын үүргийг түр орлон гүйцэтгэснээр Монгол Улсын түүхэнд төрийн тэргүүний үүргийг гүйцэтгэсэн анхны эмэгтэй болсон юм. Сүхбаатарын Янжмаа нь Монголын эмэгтэйчүүдийн эрх, боловсрол, нийгмийн оролцоог хөгжүүлэх үйлсэд амьдралаа зориулсан бөгөөд Монголын төр, нийгмийн хөгжлийн түүхэнд үнэтэй хувь нэмэр оруулсан нэрт эмэгтэй зүтгэлтэн юм.
Илгээсэн дурсамж
Одоогоор дурсамж байхгүй байна. Та хамгийн анхны дурсамжаа үлдээгээрэй.
1 удаа үзсэн