Бавуугийн Лхагвасүрэн нь Монгол Улсын Хөдөлмөрийн баатар, Ардын уран зохиолч, Төрийн шагналт, Соёлын гавьяат зүтгэлтэн, төр, нийгмийн нэрт зүтгэлтэн, Монголын орчин үеийн утга зохиолын нэрт төлөөлөгч юм. Тэрээр 1944 оны 11 дүгээр сарын 25-нд Төв аймгийн Баян-Өнжүүл суманд төрж, 2019 оны 2 дугаар сарын 5-нд таалал төгсжээ.

Дарийн Дамдин нь Монгол Улсын Хөдөлмөрийн баатар, үндэсний бөхийн дархан аварга, Монгол Улсын Гавьяат жүжигчин цолтой циркийн жүжигчин бөгөөд Монголын үндэсний бөхийн түүхэн дэх хамгийн алдартай аваргуудын нэг юм. Тэрээр 1931 онд Хөвсгөл аймгийн Цагаан-Үүр суманд төрж, 2002 онд таалал төгсжээ.

Сономын Удвал нь Монголын төр, нийгмийн нэрт зүтгэлтэн, Төрийн шагналт зохиолч бөгөөд XX зууны Монголын улс төр, соёл, утга зохиолын хөгжилд томоохон хувь нэмэр оруулсан манлай эмэгтэйчүүдийн нэг юм. Тэрээр 1921 оны 2 дугаар сарын 23-нд одоогийн Булган аймгийн Дашинчилэн сумын нутагт төрж, бага наснаасаа эхлэн ажил хөдөлмөр, боловсролын замналаа эхлүүлжээ.

Ш.Бира Түшээт хаан аймгийн Юнбэйсийн хошууны хар хүн, жин тээж, арилжаа наймаа хийж хөрөнгөжсөн Бөлгөөгийн Шагдарын бага хүү болон төржээ. Эцэг Шагдар 1911 онд Олноо өргөгдсөн Монгол Улс байгуулагдахад шинэ засагт буу зэвсэг худалдаж авахад нь дэмжлэг үзүүлж байсан тул түүнийг "Бэйс" цолоор шагнасан байдаг.

Намжилын Норовбанзад нь Монголын уртын дууны урлагийг дэлхийд таниулсан нэрт дуучин бөгөөд Монгол Улсын Хөдөлмөрийн баатар, Ардын жүжигчин, Төрийн шагналт уран бүтээлч юм. Тэрээр 1931 оны 12 дугаар сарын 10-нд Дундговь аймгийн Дэрэн сумын нутагт төрж, 2002 оны 12 дугаар сарын 21-нд таалал төгсжээ. Н.Норовбанзад бага наснаасаа уртын дууг сурч, алдарт уртын дууч Ж.Дорждагвагийн шавь болсон байна.

Майдаржавын Ганзориг нь Монгол Улсын сансрын нисгэгч, Хөдөлмөрийн баатар, Шинжлэх ухааны гавьяат зүтгэлтэн бөгөөд Монголын сансар судлал, зайнаас тандан судлалын салбарын нэрт эрдэмтэн юм. Тэрээр 1949 оны 2 дугаар сарын 5-нд Архангай аймгийн Цэцэрлэг суманд төрж, 2021 оны 7 дугаар сарын 4-нд таалал төгсжээ.

Монгол Улсын Төрийн шагналт, Соёлын гавьяат зүтгэлтэн, зохиолч, яруу найрагч, сэтгүүлч Шагдарсүрэнгийн Гүрбазар нь 1955 онд Дорноговь аймгийн Алтанширээ сумын нутагт төрж, 1963-1973 онд Дорноговь аймгийн арван жилийн дунд сургуулийг төгсөж, улмаар 1973-1977 онд Улсын багшийн дээд сургуульд суралцан монгол хэл, уран зохиолын багш мэргэжил эзэмшжээ.

Сэнгийн Эрдэнэ (Хэнтий аймгийн Биндэр суманд 1929 оны 12 сарын 7-нд төрсөн - 2000 онд нас барсан) нь Монголын Төрийн шагналт, Ардын уран зохиолч. Тэрээр хүүрнэл зохиолын нэрт төлөөлөгч, сэтгэл зүйн өгүүллэгийн гарамгай мастер хэмээн алдаршсан зохиолч бөгөөд хүний амьдралын мөн чанарыг уран бүтээлдээ нэн чадамгай задлан шинжиж, уран үгээр дүр бүтээхдээ нээлт хийж чадсан уран бүтээлч юм.

Эрх баригч нам, төр, засгийн газрын тэргүүнээр бараг хагас зуун жил ажилласан Монголын төрийн зүтгэлтэн 1933-1938 онд Эрхүү хотын санхүү-эдийн засгийн дээд сургууль төгсөж ирээд Ю.Цэдэнбал нам, төрийн дээд албанд 44 жил хүчин зүтгэжээ.

ЖИГЖИДИЙН МӨНХБАТ (1941-2018) Монгол Улсын Хөдөлмөрийн баатар, гавьяат тамирчин, Олимпын анхны мөнгөн медальтан, Даяар дуурсагдах далай даян дархан аварга Жигжидийн Мөнхбат 2018 оны дөрөвдүгээр сарын 9-ний өдөр 77 насандаа бурхны оронд заларч бидэнд нөхөж баршгүй гарз тохиолоо.

Хорлоогийн Уртнасан нь Монгол Улсын Ардын жүжигчин, Төрийн шагналт, XX зууны манлай дуурийн эмэгтэй дуучин бөгөөд Монголын дуурийн урлагийн нэрт төлөөлөгч юм. Тэрээр 1945 оны 3 дугаар сарын 3-нд Улаанбаатар хотод төрж, 2019 оны 2 дугаар сарын 1-нд таалал төгсжээ. Тэрээр Төв аймгийн Батсүмбэр суманд ерөнхий боловсрол эзэмшиж, Улсын дуурь бүжгийн эрдмийн театрын дэргэдэх дуучны ангийг төгссөн.

Л.Түдэв (1935-2020) 1935 оны 2 сарын 9-нд Говь-Алтай аймгийн Наран (одоогийн Халиун) сумын нутаг “Өвөр замын бууц” гэдэг газар, малчин айлын гэр бүлд төржээ.